ခရောင်းလမ်းပေါ်က သူတို့သုံးယောက်

       တစ်ယောက်သွားရင် သေလူ၊ နှစ်ယောက်သွားတော့ ရှင်လူ၊ သုံးယောက်
ပေါင်းတော့လောင်းကျော် ဆိုတဲ့ဆိုရိုးစကားပုံတစ်ခုရှိပါတယ်။ယခုကျနော်တို့မြန်မာ့
နိုင်ငံရေးလမ်းစဉ်မှာလည်း အဒီစကားပုံလေးနှင့်ခပ်ဆင်ဆင်ဖြစ်နေပါတယ်။ တစ်ပါတီ
စနစ်မဟုတ်၊ ပါတီစုံဒီမိုကရေစီစနစ်ကျင့်သုံးနေတဲ့မြန်မာ့နိုင်ငံရေး လမ်းစဉ်မှာ လက်ရှိ အာဏာရပါတီနှင့်အတိုက်အခံပါတီဖြစ်တဲ့ NLD ပါတီ နှစ်ခုဟာအင်အားကြီးပါတီ
တွေဖြစ်ကြပါတယ်။ ထိုနည်းတူစွာလွှတ်တော်တွင်းမှာ ၂၅% ပါရှိနေသောတပ်မတော်
ဟာလည်း မြန်မာ့နိုင်ငံရေးလမ်းကြောင်းပေါ်မှာ အဓိကပါဝင်နေတာကိုတွေ့ကြရမှာပါ။
ဒီမိုကရေစီစနစ်ကိုကူးပြောင်းနေတဲ့ကာလမှာ မြန်မာနိုင်ငံရဲ့လမ်းခရီးဟာခရောင်းလမ်း
လိုကြမ်းတမ်းနေပါတယ်။ ထိုကဲ့သို့သော ခရောင်းလမ်းပေါ်မှာ တပ်မတော်နှင့်ထိုပါတီ
ကြီးနှစ်ခုဟာ မြန်မာ့နိုင်ငံရေးလမ်းကြောင်းကို ဖော်ဆောင်နေကြပါပြီ။
သုံးယောက်
ပေါင်းတော့လောင်းကျော်ဆိုသည့်အတိုင်းပါပဲ မြန်မာဒီမိုကရေစီလမ်းကြောင်းကတော့
မြိုင်မြိုင်လေးရှေ့သို့ချီတက်နေပါတယ်။ ကျောင်းသားတွေက ဒီမိုကရေစီပညာရေးဆန္ဒ
ပြလိုက်၊ လွှတ်တော်မှာ တပ်မတော်သား ၂၅% ကိုဆန္ဒပြလိုက်၊ ၅၉(စ) ပြင်ဖို့ပြည်သူ
တွေရဲ့ဆန္ဒကိုမဲစာရင်းကောက်ခံလိုက်၊ လွှတ်တော်ကိုတင်သွင်းလိုက် ထောက်ခံမဲကမ
ပြည့်တော့ ပြင်ဆင်လို့မရတဲ့အခြေအနေသို့ရောက်ခဲ့ရပါတယ်။ ဒါပေမယ့် အတိုက်အ
ခံပါတီကလည်းလက်မလျော့ပါဘူး။ ၅၉(စ) သာမပြင်ဆင်ဘူးဆိုရင် လူထုလှုပ်ရှားမှု
လုပ်ဖို့အဆင်သင့်ကြိုတင်ပြင်ဆင်ထားကြောင်း ကြေငြာထားပါတယ်။ ဒီနောက်မှာ
တော့ ၅၉(စ)ပြင်ဆင်မှုကိုကန့်ကွက်ခဲ့တဲ့တပ်မတော်သားကိုယ်စားလှယ်တွေကို လွှတ်
တော်မှာမရှိစေရေး ကျောင်းသားများကဆန္ဒပြခဲ့ကြပါတယ်။ ဒီဆန္ဒပြမှုကိုလည်း အ
တိုက်အခံပါတီရဲ့ကြိုးဆွဲမှုတွေပါနေတယ်လို့လည်း အင်တာနက်သတင်းတွေမှာဖော်ပြ
နေတာတွေ့ရပါတယ်။ မြန်မာ့နိုင်ငံရေးဟာယခုလိုမြိုင်ဆိုင်ခဲ့ပေမယ့်ခရောင်းလမ်းကို
ပြင်ဆင်ဖို့တော့ အတိုက်အခံပါတီကစိတ်ဝင်စားပုံမရပါဘူး။ ၂၀၁၅ မှာပါတီဥက္ကဌ
ဒေါ်အောင်ဆန်းစုကြည်သမ္မတဖြစ်ရေးကိုသာ ဦးစားပေး(၁)အဖြစ်ဆုံးဖြတ်ချက်ချထား
ပုံရပါတယ်။ သမ္မတဖြစ်ခွင့်အရေးဆုံးရှုံးသွားတဲ့အခါ လူထုကိုအသုံးချမယ်လို့ပြောဆိုခဲ့
ပေမယ့် အောင်မြင်ခဲ့ပုံမရပါဘူး။

       အတိုက်အခံပါတီ NLD ရဲ့သဘောထားဟာ တပ်မတော်က သူတို့ပါတီအာဏာ
ရရှိရေးကို သက်သက်မဲ့ကန့်ကွက်နေတယ်လို့မြင်နေပါတယ်။ တပ်မတော်ကိုလည်း
နိုင်ငံရေးလောက ကထွက်ခွာသွားစေချင်သလို တဖက်ကလည်း တပ်မတော်ဟာ နောက်ကြောင်းပြန်လှည့်မည့်အနေအထားရှိကြောင်း ဝေဖန်လာတာတချို့တွေ့မြင်နေ
ရပါတယ်။ တပ်မတော်က အာဏာပြန်သိမ်းနိုင်တယ်လို့လည်းကောလဟာလတွေပြန့်
နေပါတယ်။ တပ်မတော်ရဲ့ခံယူယုံကြည်ချက်ဟာလည်း နိုင်ငံတော်ရဲ့ဒီမိုကရေစီလမ်း
ကြောင်းနောက်ပြန်မလှည့်ဖို့၊ ဒို့တာဝန်အရေးသုံးပါးကိုကာကွယ်စောင့်ရှောက်ဖို့အ
တွက် နိုင်ငံရေးမှာကြောထောက်နောက်ခံအဖြစ်ရှိနေမှဖြစ်မယ်လို့သတ်မှတ်ထားပါ
တယ်။  တဖက်မှာလည်း တစ်နိုင်ငံလုံးငြိမ်းချမ်းရေးအတွက် တိုင်းရင်းသားလက်နက်
ကိုင်အဖွဲ့အစည်းတွေနဲ့အပစ်အခတ်ရပ်ဆဲဖို့လုပ်ဆောင်နေပါတယ်။ ဒီလိုပဲတိုင်းရင်း
သားလက်နက်ကိုင်တွေနဲ့ တိုက်ပွဲတွေဖြစ်ပွားနေပါတယ်။ KIA, ကိုးကန့်သောင်းကျန်း
သူ၊ DKBA တို့နှင့် တိုက်ပွဲများဖြစ်ပွားနေပြီး တဖက်မှာလည်းတိုင်းပြည်ရဲ့ဒီမိုကရေစီအ
ရေးနောက်ပြန်မလှည့်ဖို့ဆောင်ရွက်နေရပါတယ်။ အတိုက်အခံပါတီဟာလည်း တပ်မ
တော်ကိုလွှတ်တော်ထဲမှာလားလားမှရှိစေချင်ပုံမပေါ်ပါဘူး။

       လက်ရှိအာဏာရပါတီက သမ္မတကြီး ဦးသိန်းစိန်ဟာ သမ္မတသက်တမ်း (၄)နှစ်
ပြည့်မြောက်တော့မှာဖြစ်ပါတယ်။ ဒါကြောင့် ၂၀၁၅ ရွေးကောက်ပွဲမှာသမ္မတဖြစ်ခွင့်
ဘယ်ပါတီကဘယ်သူဖြစ်လာမလဲဆိုတာလည်း ပြည်သူအားလုံးရဲ့မေးခွန်းတွေပါ။
လက်ရှိသမ္မတကြီးကလည်း ပြည်သူများဆန္ဒရှိပါက ဒုတိယသမ္မတသက်တမ်းအတွက်
အလေးအနက်ထားပီးစဉ်းစားမည်ဖြစ်ကြောင်းကို မီဒီယာမှတဆင့် တရားဝင်ထုတ်
ဖော်ပြောဆိုသွားပါပြီ။ ပြောဆိုပြီးမကြာခင်မှာပဲ သမ္မတကြီးအားဒုတိယသက်တမ်း
သမ္မတတာဝန်ထမ်းဆောင်ပေးပါရန် တောင်းဆိုမှုများလည်း ရှိလာခဲ့ပါတယ်။ဒီတောင်း
ဆိုမှုကတော့ မှော်ဝန်းတံတားဖွင့်ပွဲမှာ သံဃာတော်များမှအစချီကားကျောင်းသူ
ကျောင်းသားများ၊ ကျေးလက်လူငယ်များနှင့်အခြားသော သမ္မတကြီးကိုကြည်ညိုလေး
စားသူများမှတောင်းဆိုခဲ့တာဖြစ်ပါတယ်။

       ခရောင်းလမ်းကျဉ်းကျဉ်းလေးတစ်ခုမှာ လူသုံးဦးတစ်ပြိုင်တည်း ဖြတ်လျှောက်
ဖို့မဖြစ်နိုင်တဲ့အတွက် တစ်စုံတစ်ဦးရဲ့ဦးဆောင်မှု့ဖြင့်သာဆက်လက်လျှောက်လှမ်းရမှာ
ဖြစ်ပါတယ်။ ဦးဆောင်သူဟာ ထိုခရောင်းလမ်းကျဉ်းလေးကိုကောင်းမွန်သောလမ်း
မကျယ်ကြီးတွေဖြစ်လာအောင်ဖန်တီးနိုင်ရပါ့မယ်။ ထိုလမ်းမပေါ်မှာ(၁၃၅)မျိုးသော
ပန်းတွေအစီအရီဖူးပွင့်နေရပါ့မယ်။ ထိုလမ်းမပေါ်မဆိုင်သူမလျှောက်လှမ်းစေဖို့အတား
အဆီးတွေခိုင်မာစေဖို့လိုပါတယ်။ ထိုလမ်းမကြီးပေါ်မှာ ဗုဒ္ဓရဲ့သားတော်တွေငြိမ်းချမ်း
တရားအားထုတ်နိုင်ဖို့လိုပါတယ်။ ထိုလမ်းမကြီးပေါ်မှာ ဆိုင်းဘုတ်ကိုင်ဆန္ဒပြမှုတွေ
ကင်းဝေးလို့ ပြည်သူတွေအေးချမ်းစွာနေထိုင်လျှောက်လှမ်းနေနိုင်ရဖို့လိုအပ်ပါတယ်။
အဲဒီလိုလမ်းမကြီးကို ထိုသုံးဦးထဲက စွမ်းဆောင်နိုင်ဖို့လိုအပ်ပါတယ်။ကျနော်တို့ပြည်
သူတွေရွေးချယ်တတ်ဖို့လိုပါပြီ။ ခရောင်းလမ်းကိုမပြင်ပဲ လမ်းမပေါ်မဆိုင်သူတွေကို
ခေါ်တင်မဲ့သူ၊ (၁၃၅)မျိုးသောပန်းတွေကိုညှိုးနွမ်းစေမည့်သူ၊ ဗုဒ္ဓရဲ့သားတော်တွေကို
ဆွမ်းမလောင်းဘူးလို့ပြောဆိုပြီး ဘာသာခြားကိုကာကွယ်မဲ့သူ၊ လမ်းမပေါ်သို့ ငြိမ်း
ချမ်းစွာနေထိုင်သောပြည်သူတို့ကိုခေါ်ထုတ်မဲ့လူ ဒီလိုလူမျိုးကိုဦးဆောင်လျှောက်ခိုင်း
မည်လား။ သို့မဟုတ် ထိုလမ်းမကြီးကိုကောင်းသထက်ကောင်းအောင်ရှိသမျှအားအင်
နဲ့တည်ဆောက်မည့်သူ၊ (၁၃၅)မျိုးသောပန်းမျိုးစုံကိုကာကွယ်ပေးမည့်သူ၊ သံဃာ
တော်များကို အလေးထားသူ၊ လမ်းမပေါ်တက်လာမယ့်တိုင်းတပါးသားကိုကန့်ကွက်
မည့်သူ၊ ဒီလိုကန့်ကွက်ဖို့အတွက်လည်း ကာကွယ်ရေးဖြစ်တဲ့ တပ်မတော်နဲ့အဆင်ပြေ
သူ၊ ပြည်သူအားလုံးအတွက် ကိုယ်ကျိုးစွန့်မျက်နှာငယ်လည်းမမှုတတ်တဲ့သူကိုဦး
ဆောင်လျှောက်လှမ်းခိုင်းမှာလားဆိုတာက နောက်ကနေလျှောက်လှမ်းမဲ့ ပြည်သူတွေ
ရဲ့ရွေးချယ်မှုသာဖြစ်ပါတယ်။ ဒါကြောင့် ပြည်သူတွေ ၂၀၁၅ ရွေးကောက်ပွဲမှာအရွေးမ
မှားရအောင် အပြောနဲ့မဟုတ်ပဲ အလုပ်နဲ့သက်သေပြတဲ့သူကိုမြင်ဖို့လိုအပ်လာပြီဖြစ်
ပါတယ်။