၂၀၁၉ ဒီဇင်ဘာလအတွင်း နေကြတ်မည့်နေ့ရက်များ

ခရာဇ်နှစ်၂၀၁၉ ခု ဒီဇင်ဘာလ ၂၆ ရက်နေ့ ၊ မြန်မာနှစ် ၁၃၈၁ခု ပြာသိုလဆန်း ၁ရက် ကြာသပတေးနေ့တွင် နေကြတ်ခြင်းဖြစ်စဉ်တစ်ခုဖြစ်ပွားမည်ဖြစ်သည်။ နေကြတ်ချိန်မှာ မြန်မာစံတော်ချိန် နံနက် ၈နာရီ ၅၉မိနစ်၅၁စက္ကန့်အချိန်တွင် စတင်ပြီး နံနက်

၁၁ နာရီ ၄၇မိနစ် ၄၃စက္ကန့်အချိန်တွင် Greatest or Maximum Eclipse နေအကြတ်ဆုံးဖြစ်ကာ ၂နာရီ ၃၅မိနစ် ၄၄စက္ကန့်အချိန်တွင် နေကြတ်မှုပြီးဆုံးမည်ဖြစ်သည်။ ယခုနေကြတ်မှုအမျိုးအစားမှာ Annular Eclipse ခေါ် နေအရစ်ကြတ်ခြင်းအမျိုးအစား
ဖြစ်သည်။နေအရစ်ကြတ်ချိန်တွင် လင်းလက်နေသောလက်စွပ်ကွင်းသဖွယ် အလင်းရောင်ကွင်းသဏ္ဌာန်ဖြစ်ပေါ်နေသောနေကိုမြင်တွေ့ကြရသည်။ နေကြတ်ခြင်းသည် နေလကမ္ဘာ တစ်တန်းတည်းကျရောက်ချိန်တွင် နေနှင့်ကမ္ဘာအကြား လ ကျရောက်ပြီး
လက နေကိုဖုံးကွယ်လိုက်ခြင်းဖြစ်သည်။ တစ်နည်း အလင်းပိတ်ဝတ္ထုဖြစ်သောလသည် နေရှိရာဘက်မှဖီလာဘက်တွင် တစ်နည်း ကမ္ဘာဂြိုဟ်ရှိရာဘက်အရိပ်ထွက်နေသည်။ လကွယ်ရက် နေလကမ္ဘာတစ်တန်းတည်းကျရောက်စဉ် ထိုအရိပ်သည် ကမ္ဘာ
ပေါ်သို့ကျရောက်သည်။ ထိုလအရိပ်ကျရောက်ရာနေရာသည် နေကိုမမြင်ရဘဲ နေကြတ်ခြင်းSolar Eclipse ဖြစ်စဉ်ကို ဖြစ်ပေါ်စေသည်။ ယခုနေကြတ်ခြင်းကို အာရှတိုက်တစ်ဝှမ်းနှင့် အရှေ့တောင်အာရှတစ်ဝှမ်းလုံး၊ အိန္ဒိယသမုဒ္ဓရာဩတြေးလျ

မြောက်ပိုင်း၊ ပစိဖိတ်အနောက်ပိုင်းဒေသများမှ မြင်တွေ့ကြရမည်။ နေအရစ်ကြတ်ခြင်းဖြစ်စဉ်ကို နေကြတ်လမ်းကြောင်းကျရောက်ရာဒေသများဖြစ်သော ဆော်ဒီအာရေဗီးယား၊အိန္ဒိယနိုင်ငံတောင်ပိုင်းဒေသ၊သိရိလင်္ကာ၊စင်္ကာပူ၊မလေးရှား၊ ဖိလစ်ပိုင်၊ဂူအမ်ကျွန်းစသော ဒေသများမှ မြင်တွေ့ကြရမည်။ မြန်မာနိုင်ငံအပါအဝင်ကျန်ဒေသအများစုမှာ နေအရစ်ကြတ်ခြင်း Annular Solar Eclipse ဖြစ်စဉ်ကို မြင်တွေ့နိုင်ခြင်းမရှိဘဲ နေတစ်ပိုင်းကြတ်ခြင်း Partial Eclipse ကိုသာ မြင်တွေ့ကြရမည်။